Tedei long aftenun i makem wan histori long spot development long Vanuatu mo Pacific blong two kavman i saenem wan agriment blong sendem over 100 pipol i ko train long wan nara kaontri olsem china. Narafala histori tu hemi blong wan kavman hemi luk save hadwok blong ol spot pipol we bai oli flaem flag blong yumi olsem ol ambasada blong Vanuatu mo i save mekem wan komitment blong stat kivim smol vatu long olgeta. Pacific Mini Games tis yia hemi olsem wan platform we bai yumi save iusum blong putum spot long wan narafala level. Long 15 yia Pipol’s Plan we mi jes lonsem eli long tis yia, Sosiety policy objectif 4.7 hemi talem olsem se bai yumi enkarejem patisipesen long ol fisikel aktiviti mo divelopem wan sef mo inclusive spot system we bai yumi save iusum olsem wan tul blong bildim uniti, edukesen, helt, lidasip mo fair play.

Hemia nao i mekem se tis yia, kavman hemi luk save potensel blong save hostem Pasifik Mini Gems blong investem ova 700million vatu blong yumi okanaesem mo steijem gems from yumi luk save se hemi wan wei blong impruvum ol spot fasiliti mo tu divelopem kapasiti blong save mentenem, ranem mo dicentralaesem ol fasiliti mo ol federesen afta long gems blong bildim spot long Vanuatu.

Wael yumi stap priperem wan tim naoia blong ko train long china blong kam olsem Tim Vanuatu, mi wantem tekem opotuniti ia blong kliarem sam toktok long niuspepa mo sosol media about Okanaesing komiti. Long Vanuatu, wael bai gems hemi stil gohed from kavman i honorem finis faenansol komitment blong hem, hemi impotent se evri samting yumi mas mekem folem ol loa o kondisen blong ol likol fremwok blong kaontri. Ples ia nao we kavman i mas step in las wik blong stretem sam long ol issue wetem ol wok permit blong aloem se gems oli okanaes long wan wei we hemi transparent mo akaontable.

Ol atlet we i stap ko long China, mi wantem konkratuletem yufala evriwan. Yufala i bin selected blong stap ia tedei blong pat blong tim ia from yufala i bin pruvum yufala long nasonal gems. Hop blong kaontri i stap wetem yufala as yufala i ko train. Yufala i mas tingbaot tu se yufala i reprisentem kaontri mo hao yufala i behave long China bai hemi reflektem yumi evriwan. Rispektem ol host blong yufala mo mekem evri best blong folem instraksen mo tren had from long December taem yu stap kompit long Korman Stadium, bai plante famli mo fren oli save kam mo luk yu and sapos yu winim wan medal bai hemi mekem famli i praod, island, province mo kaontri blong yu i praod tumas long yu.

Wetem toktok ia, i want to take the opportunity to thank the People’s Republic of China for your generosity and your continuous support to sports development in Vanuatu.

Mi wisim ol atlet, sef travel mo gud trening long yufala everiwan, bai mi lukim yufala bakagen long October.

God bai i blesem mo kipim yufala i sef.

Tankiu tumas

Designed by PG IT Consulting - webdesign.vu