Fiva blong wan bigfala kastom seremoni bitwin ol tsif blong Buniga aelan long Not Efate mo ol tsif blong Ifira, hemi stat long tede afternoon, 11 Julae long Seaside eria taem we ol tsif blong Buniga oli kasem eria ia. Ol tsif mo pipol blong Buniga, oli kasem Port Vila tede aftenun wetem wan kamion we i fas gud long ol lokol kakae. Insaed long kamion ia, bae i save fainem eni kaen kakae we istap long wan karen. Plande long olgeta nao, hemi ol difren yam.
Gavman webside, hemi kasem infomesen se ol kakae ia, hemi blong oli mekem kastom seremoni wetem ol tsif mo pipol blong Ifira folem histri blong bubu blong olgeta.
Tede hemi araevol blong ol tsif blong Buniga be oli talem se kastom seremoni ia, hemi save stap plande de. Bae pipol i save lukim haf pat blong kastom seremoni ia tu we bae oli perfomem long sam eria blong taon blong Port Vila.

Designed by PG IT Consulting - webdesign.vu