Minista blong Internal afea, Alfred Maoh i ofisioli openem 37 indipendens selebresens aniverseri long tede moning long Port Vila. De blong tede, hemi stat wetem wan wokbaut we hemi stat long Mooring Hotel ikam kasem long Indipendens Park. Wokbaut ia we hemi bin pas tru long metel blong taon blong Port Vila, Praem Minista Charlot Salwai nao, ol minista, ol MP, mea blong Port Vila, Ulrich Sumptoh, olgeta nao oli bin lidim.
Hemia tok tok blong Mr Maoh:
 
"THEME – 37TH INDIPENDENS ANNIVERSARI "Strengthenem nasonal sekiuriti, evriwan i gat akses long Edukeisen, praeoriti long lokol emploemen mo Kriesen blong wan helt insurens plan THEME – 37TH INDEPENDENCE ANNIVERSARY "Strengthening national security, access to Education for all, priority to local employment and Creation of a health insurance plan" THÈME DU 37ÈME ANNIVERSAIRE DE L’INDÉPENDANCE "Renforcement de la sécurité nationale, accès à l’éducation pour tous, priorité à l’emploi local et établissement d’un régime d’assurance-maladie Excellency, PS obed moses TALI – president blong ripablik blong Vanuatu. Hon. Esmon simon – spika blong palamen. Honourable Prime Minister, Charlot Salwai Tabimasmas Hon. Deputy Prime minister, joe natuman Hon. Leader blong opposition – ismael kalsakau Ol membas blong palamen blong ripablik blong Vanuatu Lord mayor blong trifala urban town blong yumi Ol diplomatic missions Members blong ol statutory bodies, Ol public servants blong ripablik blong Vanuatu Ol members blong commercial mo ngo sectors Ol students thrug aot long ol skuls long Vanuatu Ol powerful women lidas Ol powerful men lidas Ol powerful yut lidas Ol man mo ol woman. Greetings long yufala everiwan, Tede hemi wan commemoration blong viktri match we e bin tekem please long 26th July 1980, hemi wan match we e openem wik blong selebresen blong independens. Long taem ia, kantri hemi statemen selebresen blong hem from hemi kam wan soverign state. Hemi kat wan nem, hemi gat wan mama loa, hemi gat wan flag, mo wan nasonal anthem mo wan nasonal identity. Since wokabaot blong viktri ia long 1980, Vanuatu olsem wan nesen hemi stanap yet...hemi fesem plante jalenj- political jalenji, ekonomik jalenj, ol jalenji, blong natural disasta mo plante moa. Be after long 37 yia now, Vanuatu hemi stanap yet olsem wan soverign nesen. Long yia ia, while long vila, selebresen blong port vila hemi stap nomo long wan dei, i gat plante centres around long Vanuatu too we oli statem selebresen blong olgeta finis. Olsem minister blong intenol afea, bambae mi karem yumi blong lukluk bak olsem wanwan sitisen we i witnesem ol ajivmen mo I fesem ol jalens long kantri blong yumi kasem tedei. Olsem ol citizens blong Vanuatu, yumi must feel responsible long ol actions blong yumi. Yumi stap long wan free Vanuatu but yumi must mindful long ol wokabaot or movements blong yumi. Legacy we ol olfalas blong yumi oli bin putum e stap, e gud blong yumi mas continue blong transferem e ko long young generations ia, mo bai olgeta too, oli feel responsible long hem, mo movem e ko long future tu. Feswan – yumi joen blong luksave indipendens we Vanuatu i kasem long 1980 blong givim raet blong yumi yet yumi tokbaot rod blong yumi wokbaot long hem. Yumi talem tankio long ol olfala blong yumi blong tekem yumi i kam tru long rod ia blong kasem indipendens. March ia yumi stap dediketem mo luksave hadwok, swet mo blad blong olgeta we i ron from fridom ia we yumi stap enjoyem tedei. Namba 2 toktok – mi tekem too se march ia hemi blong yumi celebretem ol bigfala wok we yumi mekem long ol aelan blong yumi blong mekem divelopmen long nesen ia blong yumi directly or indirectly. Yumi wanwan yet i save talem stret ol divelopmen long aelan blong yumi Namba 3 toktok – kaontri blong yumi hemi founded long Kristin mo kastom prinsipols. Oltaem yumi long kantri i mas stap selebretem ol victory mo ol aspiration blong yumi mo sem taem givim bak hona mo tanksgiving long God blong mekem se ol jalens we bambae yumi fesem yet long olgeta taem we i kam, bambae yumi save stretem. Semtaem tu, yumi mindful long respect mo wan harmonized system across long ol communities blong yumi. Hemi important blog yumi olsem ol ni-vanuatu, mas proud oltaem blong showem respect ia long ol narafal man, citizens, non-citizens mo visitors blong yumi tu. Namba 4 toktok – victory march ia hemi blong talemaot long everi sitisen se nomata long ol jalens we yumi stap fesem, bambae rul blong loa mo oda bambae hemi respected oltaem. Mo bageken yumi mas celebratem wetem gentle care, mo ensure se stability, respect, mo pis, harmony hemi dwell wetem ol families blong ni-vanuatu, citizens blong country ia. Namba 5 toktok – olsem Minista we I responsibol long loam o oda, mi askem everi sitisen blong I selebretem independens ia wetem gladhat, long wan fasin we I stret mo ino spolem hemwan moo l narafala man, woman mo pikinini. Mi tekem Janis ia blon wisim yumi everiwan long everi pat blong Vanuatu we bambae yu selebret long hem, mo olgeta sitisen too we oli stap aotsaet long kantri se yu gat wan gudfala 37th Indipendens selebresen. Long live Vanuatu, long live ol sitisen blong Vanuatu mo God I blesem yumi everiwan TANKIO TUMAS".
 
 
Zone contenant les pièces jointes
 
 
 
 
 

Designed by PG IT Consulting - webdesign.vu