First  of all,  mi tekem janis ia blong wishem yufala ol invited guest mo tu ol gud pipol blong Republic blong Vanuatu, stat long Torres go kasem Aneityum,   hapi 37th Anniversary blong Independence  blong  kantri  blong yumi  Vanuatu.

Bifo mi deliverem main message blong mi iko long gud citizens blong yumi, mi wantem yumi everiwan istanap blong givem wan minit silence long rememberance blong recent passing away blong late President Baldwin Lonsdale blong Ripablik blong Vanuatu mo ol narafala lidas mo ol families blong yumi oli jes pass away.

Tankiu tumas mo yufala save sitaon……………..

Yumi mas oltaem ting baot God, forom se tru long God ia nao hemi karem yumi tru long strakel blong kasem self-determination blong yumi aot long tufala colonial powers tru long strakel blong ol founding fathers blong yumi long 1980.  Mi hapi  tumas blong addressem  nation blong yumi tedei, mo wishem yumi everiwan wan hapi celebration.

Hon. Prime Minister and Distinguish Invited Guest, it is an honour for me to mention today some of our neighbours and Friends around the World who have convey their warm and best wishes to the People of Vanuatu in celebrating our 37th Independence Anniversary 2017.

On behalf of the people of the Republic of Vanuatu, we sincerely acknowledged these greetings and others which I may have missed out here and let’s continue to maintain our stronger relationship with our foreign friends for the common good of every one into the future.

Follem theme blong tis yia celebration, we ibase long Strengthening Nasonal Security, Access to education for all, Priority to local employment mo Kriesen blong wan helt insurens plan. Bambae mi rearranjem smol theme blong tis year blong linkem wetem concept blong Uniti blong read olsem Unity for prosperity long Republic blong Vanuatu. 

Mi olsem niufala President blong Republic blong Vanuatu, mi glad blong stanap tudei blong tallem bigfala tankiu iko long pipol blong Nation ia tru long ol elected leaders blong yumi blong oli save electem mi ikam niufala President blong Republic blong Vanuatu.

Mi tallem tankyu blong mi iko long ol jiojes mo pipol blong Vanuatu long strong dedication mo prea blong yufala imekem se tudei yumi gat wan niufala President blong Republic blong Vanuatu.

Hemi tru unity long Gavman mo opposition wetem everi members blong electoral college hemi mekem se oli save  kam tugeta blong agri blong electem niufala President blong nation ia.

Hemi tru unity blong pipol mo ol lidas blong yumi imekem se yumi save agree mo wok tugeta blong karem Freedom blong yumi olsem wan Independent Free Republic.

Hemi tru long unity blong everi sectors blong economy blong mekem se yumi progressem fulap social mo economic development long kantri tudei.

Mi tallem tankiu long ol past mo present Gavman, ol political leaders, ol jifs, ol jioj lidas, lida blong ol woman, lida blong ol yangfala pipol, lida blong ol business community, ol development patnas mo ol gud citizens blong nation ia long fashen blong stap united oltaem blong wok tugeta blong progressem social mo economic development blong nation blong yumi.

Mi kol apon lidas blong yumi long national level, provincial level, Area council, community mo village level mo level blong families blong yumi mas wok united oltaem blong proclaim long wol se alto Vanuatu hemi smol long size blong hem, be yumi wan strong soverign nation mo yumi redi blong wok tugeta wetem ol friends blong yumi blong managem gud affairs blong yumi long wan sustainable way follem motto blong yumi mo national sustainable development plan blong nation ia.

Mi kol apon Gavman blong yumi blong yumi mas stanap strong blong mekem sua se everiwan long kantri oli deservem the best services yumi save givem long olgeta.  Yumi mas stanap strong blong mekem sua se sharing blong ol resources mo ol benefits blong hard wok blong nation ia hemi shared fairly mo equitably long every pipol blong yumi.

Bambae mi touchem lelpet concept blong Uniti wetem fofala theme blong tis yia wei Gavman hemi agri long hem.

STRENGHTENING  NASONAL  SECURITY

Tedei  yumi  listen  long  radio,  readem  long news  papers mo social network  mo  harem   pipol  tokbaot  long street, ol  news  blong  ol  crimes  oli  very  hai tumas mo icontinue blong increase.  Respect inomo gat mo act blong killem  man  ikam olsem  animal,  rape,  stealing, abuse blong drugs, divorce,  teenage  pregnancy, blackpower, violence against  man  mo  woman ikam bigwan tumas tudei.

Gavman hemi gat responsibility blong strengthenem  nasonal  security blong yumi olsem Vanuatu Police Force mo Vanuatu Mobile Force blong oli providem wan safe living environment blong ol citizens blong hem.Be  yumi  no  depend  long  Police  nomo, yumi ol  narafalla  responsible  lidas, olsem, Chiefs, Jyos Lidas,  Women lidas, youth Lidas   yumi mas wok tugeta mo united blong assistem ol force members blong createm wan safe environment we pipol blong yumi oli live long pis mo harmony ol taem.   

ACCESS  TO  EDUCATION  FOR  ALL.

Gavman tru long polisi blong hemi, hemi stap continue blong providem wan fri education long primary level long ol yias we ipas finis. Long Children’s Day Celebration long 24th July 2017, Gavman hemi stap extendem fri education policy blong kavremap early childhood education iko kasem secondary level.

Hemia hemi ol commitment blong Gavman blong yumi hemi stap putum blong assistem ol pikinini blong yumi truaot long nation ia.

Mi tallem bigfala tankiu iko long Gavman tru long policy direction we hemi stap tekem blong asistem ol citizens blong nation ia. Mi stap mekem kol ia iko long ol parents blong ol pikinini truaot long Vanautu, plis  sendem  pikinini  I  go  long  school. No  holem  pikinini  blong  yu  I stap  long  haos.

Yumi mas wok united blong fulfilem policy direction blong Gavman blong yumi sipos yumi wantem progress socially, politically mo economically iko long fiuja wetem ol pikinini blong yumi.

PRIORITY  TO  LOCAL  EMPLOYMENT.

Ol  citizens  blong  Vanuatu  tedei,  oli  gat  access  long  planti  areas  blong  laef.  Moa  pipol  blong  Vanuatu  oli  graduate  wetem  ol  high  qualification  blong  mekem  eni  wok,  inside  long  Gavman or aotside  long  Gavman.  So  because  Ni-Vanuatu  oli  qualify  blong  mekem  eni  wok, mo mi  kol apon Gavman mo ol lidas blong yumi blong unite blong defendem nid mo aspiration blong Ni Vanuatu blong  mekem  sure  se  pipol  outside  oli  no  kam  blockem  ples  or  space  blong  wok blong ol Ni-Vanuatu.

Families  oli  try  hard  blong  sendem  pikinini  I  go  long  skul.  Oli  triem best blong  pem skul  fees, but  taem  hemi  completem  skul  I kam,  Parents  oli expectem  pikinini  blong  wok  be,  NO  GAT  WOK.  Taem  ol  company  outside  oli  kam,  oli  mas  givim  priority  long  Pipol  long  Vanuatu.

Gavman imas lukluk bak long existing legislation mo ol laws we istap blong mekem sua se pipol blong Vanuatu oli mas be given first priority blong employment opportunities.

Gavman hemi encouragem foreign direct investment, be imas gat boundary blong no allowem foreigners oli enter long boundary or area we yumi shud safe guardem blong ol man ples nomo oli save mekem bussiness.

 

 

Kriesen blong wan helt insurens plan

Health blong ol man Vanuatu hem iwan priority blong Gavman. Blong pipol blong Vanuatu oli live strong mo healthy mo contribute positively long economic development long kantri, health blong olgeta hemi important mo access long health services hemi mas be efficient ol taem mo cost effective blong ensurem se everiwan igat equal access long health services truaot Vanuatu. Mi stap askem Gavman blong mas lukluk blong setem ap wan helt insurens plan blong sapotem everiwan blong accessem gudfala health services locally mo abroad.

Continue wetem wokabaot blong Late Baldwin Lonsdale, President blong Republic blong Vanuatu.

Hon. Prime Minister mo invited guests, mi wantem tallem olsem se late President Baldwin Lonsdale hemi bin stap preachem importance blong uniti mo respect long pipol blong yumi imas gat blong yumi save live long safe mo pisful  environment oltaem.

Hemi bin stap toktok about importance blong pipol blong Vanuatu oli mas luksave mo givem respect long ol national leaders we oli bin served long ol high offices olsem President blong Republic blong Vanuatu, Prime Minister blong Republic blong Vanuatu mo Chairman mo President blong Malvatumauri National Council of Chiefs.

Follem respect blong ol national leaders ia, Gavman hemi mas wok long wan protocol guidelines blong how yumi save givem respect long ol national leaders ia taem oli stil alive mo taem oli pass away.

Recent passing away blong late President Baldwin Lonsdale hemi givem yumi wan wake ap kol blong yumi luk bak long fashen blong yumi givem respect long ol state leaders ia.

Mi bilief se passing away blong late President Lonsdale hemi lego behind sam legacy blong yumi ol lidas mo pipol blong Vanuatu imas lukluk bak long tingting blong Uniti, tingting blong reconciliation, lukluk bak long lidasip role long national level iko daon long narafala level long society blong yumi.

Hemi bin stap toktok abaot importance blong gat oltaem God fearing leaders blong nation ia. Hemi bin stap tokabaot fulap stamp value blong living long ol spijes blong hem.

Bambae mi olsem Niufala President blong Vanuatu, bambae mi continue blong wokabaot mo sharem semak toktok we hemi stampa blong laef we hemi rooted inside long traditions, custom mo holy word blong God.

Finally, follem effort blong Former President blong yumi, Mi stap askem Gavman tru long yu Hon Prime Minister blong mekem sua nomo se project blong State Palace hemi go head olsem we yufala bin agri long hem. Office blong mi hemi stap wok wetem Department blong DSPPAC long office blong Prime Minister naoia blong lukluk long strengthening blong office blong President mo mi tallem tankiu long Gavman long support ia.

Blong conclude, tudei hemi wan important occasion blong pipol blong nation ia, yumi kam tugeta blong celebratem 37th Independence Anniversary. Mi kindly askem yumi everiwan blong joinem mi long wan toast blong wishem yumi everiwan mo gud citizens blong Vanuatu wan happy celebration.

!!!May God bless the Republic of Vanuatu!!!

Designed by PG IT Consulting - webdesign.vu