Plande long olgeta pipol blong ol difren aelan o province includim olgeta blong Port Vila mo Luganville we oli stap go long Tanna stat long las yia kasem long yia ia, oli talem se developmen blong Tanna, hemi spid bitim evri provins. 
Hemia hemi folem developmen blong kolta rod we oli talem se hemi sakem bihaen rod blong Port Vila mo Luganville. Afta long developmen blong kolta rod we gavman i mekem, bae gavman i mekem airport blong Tanna ikam bigwan moa. Taem we airport ikam bigwan, bae hemi mekem se bae inomo ATR 74 nomo i lan long White be Boeing  hemi save lan tu. Developmen blong ol insfrastraktsa, hemi mekem ol bisnis olsem bisnis blong turis, hemi kam antap plande. Ikat plande niu haus blong turis i slip long hem, oli stap kirap. Aelan blong Tanna, hemi kam popula o hemi stap pulum plande pipol from laef volkeno blong hem, Yasur,  mo tu fasin blong hemi holemtaet strong kastom blong hem. Long taem blong launching blong niu pepa mani blong 500 vatu long namba 27 oktoba, hemi lukim ova long wan 100 kastom pipol, oli bin fulumap Lenakel Black Man Town blong lukim niu pepa mani ia.

Designed by PG IT Consulting - webdesign.vu