PM Charlot Salwai i askem Vanuatu Reserve Bank blong hemi kamap wetem wan lo blong protektem ol innocent pipol blong Vanuatu agensem ol man we oli stap kiaman mo kolektem mani blong olgeta.
Mr Salwai i talem se ikat ol innocent pipol we oli lusum plande milien vatu blong olgeta long ol kiaman scheeme. Hemi talem se wan long olgeta risen, hemi from we hemi no isi blong ol innocent pipol ia, oli save putum mani blong olgeta long ol commercial bank we oli stap naoia long Vanuatu. Mr Salwai i talem se ol pipol ia, oli lusum plande mani blong olgeta mo hemi gud blong Reserve bank, hemi kamaut wetem wan lo blong fasilitetem olgeta blong oli save yusum ol commercial bank mo protektem olgeta.
Mr Salwai i mekem tok tok ia long Port Vila yesterday taem we hemi stap launchem Vanuatu National Financial Inclusion Strategy, wan document blong Vanuatu Reserve Bank.
Hemi talem se from we hemi hard blong ol innoncent pipol ia, oli putum mani blong olgeta long ol commercial bank, oli go givim long ol pipol we oli kiaman long olgeta blong sevem mani blong olgeta. 
Mr Salwai i talem se tede blong man igo putum mani blong hem long ol commercial bank, ikat ol kondisen mo hemi putum long taem blong man i save wan account. Praem minista i talem se komperem long ol pipol we oli mekem mani scam o oli kiaman long ol pipol, hemi moa isi long ol innocent pipol ia blong givim mani blong olgeta.
Mr Salwai i askem Reserve Bank blong Vanuatu blong i mas kat protection blong olgeta pipol ia.

Designed by PG IT Consulting - webdesign.vu