Wan delegesen blong International Civil Aviation Organisation we hemi wan agency blong United Nations, hemi mitim Praem Minista Charlot Salwai long tede, tasde 29 March.
Kaen visit ia we oli stap mekem long evri kantri long region hemi blong traem fainem wanem nid nao wan wan kantri hemi kat long saed blong aviation mo wanem help nao oli save helpem ol kantri ia long hem.
Oli talem long Mr Saiwai se ICAO hemi wandem patna long Vanuatu long saed blong developmen blong aviation. ICAO i talem se oli save about People's Plan blong Vanuatu we hemi 2030 mo oli save kontrubiut long hem long development blong aviation.
Mr Salwai, hemi welkamem any asistens we ICAO, oli save helpem Vanuatu long hem. Praem Minista Salwai i talem se Vanuatu hemi statem finis blong developem ol infrastructure blong hem long saed blong aviation from we turis hemi wan main sos blong income blong Vanuatu. Hemi talem wok istap gohet finis long Bauerfield Airport, Pekoa mo Tanna mo bae ikat yet wok long Norsup Airport, Lonorore Airport mo Motalava Airport blong mekem se ATR plen i save lan long olgeta.
Hemi talem se sapos Vanuatu ino save fainem wan loan long ol ovasi bank be bae hemi boro nomo long Vanuatu from we hemi very important blong developem ol airport ia.
 
 
Zone contenant les pièces jointes
 
 
 
 
 

Designed by PG IT Consulting - webdesign.vu