PM Charlot Salwai mo minista blong finance Gaetan Pikioune i talem se rod kolta blong Saut Santo, hemi wan long olgeta prioriti wok we gavman bae hemi mekem. President blong Saut Santo kansel blong ol chief , chief Jara Mele i talem tankiu long praem minista blong gavman blong hem i save mekem se rod blong olgeta hemi kam rialiti. Chief i talem se ol past gavman oli talem se bae oli mekem kolta rod ia be oli no mekem. Long nekis wik bae gavman saenem agrimen blong fesabiliti stadi blong rod ia. Mr Salwai i talem se Saut Santo hemi disevem blong kat kolta rod from we hemi rich long agricultural product. Mr Salwai i talem tankiu long ol pipol blong Saut Santo blong oli save gohet blong laef wetem rabis kondisen mo mantenem kontribusen blong olgeta long ekonomik developmen blong Vanuatu.

Designed by PG IT Consulting - webdesign.vu