Bildimap Infrastrakja resiliens blong promotem prodaktiv sekta mo mekem living blong olgeta sitisen blong Vanuatu i stap gud oltaem

***

Construction d'infrastructures résilientes  pour promouvoir le secteur productif et soutenir les moyens d’existence des citoyensVanuatais

***

Building Infrsatructure resilience to promote productive sector and sustain the livelihood of the ni-Vanuatu cititizen

Bildimap Infrastrakja resiliens blong promotem prodaktiv sekta mo mekem living blong olgeta sitisen blong Vanuatu i stap gud oltaem

-------------

1.      Introduction

Gud moning mo hapi 38 Indipendens Anivesari Selebresen! Bonne fête à tous!

Welkam lo yumi everiwan we yumi stap tede,mo evriwan we oli listen lo radio, TV or Youtube truaot lo kantri, mo olgeta we oli stap joenem yumi lo celebrasen ia around lo region mo lo narafala part long wol. Tankio lo presence blong evriwan.

2.     Acknowledgement

Emi wan important dei blong selebretem victory mo proudness blong yumi long taem we yumi kivim spesel rispek i go long olgeta papa, mama, brata mo sista as Leaders we oli stragol blong mekem kaontri hemi fri long Koloniol rul. Hemi tru long semak spirit ia we yumi masselebretem 38 yia blong politikol indipendens blong yumi mo blongselebretem ol achivements mo progress we yumi mekem.

Tede, yumi tingbaot olgeta we oli stap stragol iet, olsem ol brata long Kanaky mo long West Papua.

Yumi talem thank you long papa God. Tankio God creater from taem yu krietem world, yu kivim long mifala ol beautiful islands ia, archipelagos blong Vanuatu. Yumi presem hem from spirit, love, proteksen mo blessing blong hem ova long kantri mo pipol blong Vanuatu. Mi acknowledjem olketa work blong ol church lidas, olketa jifs blong yumi; olketa lidas blong komunitis, olketa politikol lidas, past mo present,  mo comitmen blong wanwan citizen blong mekem se Vanuatu, kantri blong yumi, I save continue blong stap long pis, unity, wetem spirit blong fraternity mo sharing blong family values insaed long Port-Vila mool island komunities.

3.     Chalenjis- Natural and man-made

Beautiful Vanuatu we Hae God I generously givim long yumi, igat ol natural chanlenjis mo man-made chalenjis blong hem.

Vanuatu ino wan island but hemi wan achipelagowe igat 83 islands mo solwota i seperetem olketa. Fulap oli kat ol mountains, sam oli kat volcanoes, sam I fulap long rock, mo fulap long olketa oli kat different chalenjis mo development nids.

Mo hemi taem tede blong yumi acceptem se kantri blong yumi Vanuatu hemi vulnerable long ol natural disasters mo hemi stap long top blong list blong ol kantri we oli the most vulnerable.

Vanuatu I stap long “Pacific Ring of Fire” we I minim se disasta ino limited nomo longharicane, earthquakes,drae season mo floading bat volcanoe i kam olsem wan threat long laef blong pipol evri dei.

Yumi ol living witniss long olketa natural hazards ia. Yumi victim long ol industrialised kantri we oli causem climate change.

Tede, yumi tekem wan special tingting long ol brata mo sister blong yumi long Ambae we oli badly afekted by volcanic eruption, hash mooli mas displace from birth ples blong olgeta.

Yumi tingbaot too olketa we oli lusum laef mo belongings blong olketa long cyclone Hola.

Climate change olsem volcano emi afektem whole life blong Vanuatu, socially mo economically, mo afektem food security blong yumi; yumi mas adaptem yumi long situation ia.

4.     Assets mo achievements

Nomata long ol chalenjis ia, Ripablik blong Vanuatu hemi gat plande valuable assets olsem:

·        Land, solwota, non polluted air, nice mo homecoming pipol wetem ol smiling faces.

·        Ol fundamental values: cultural, traditional mo Christianity we I mekem se pipol blong Vanuatu I proud oltaem, I lovem ples blong hem wetem strong attachement long birth place blong hem, we I mekem se yumi continiu blong biliv mo hope blong better laef.

Man Vanuatu I mas continiu blong biliv mo trastem hem wan, yumi mas trastem yumi, ol citizen blong Vanuatu.

Taem yumi biliv mo trastem yumi wan, unity ia I save mekem se yumi save progress, mo yumi save achivim extraordinary goals tugeta olsem:

·        Successful hosting mo participation long Van 2017;

·        Recovery afta TC PAM;

·        Economic growth we kantri istap enjoyem naoia;

·        Successful handling blong ol requirements blong FATF blong tekemaot Vanuatu long “Grey List”;Long ples ia, mi mekem wan special tok tankio iko long Drafting Unit blong State Law Office long hard work blong produsim evri necessary legisletiv framework long wan very short period of time mo tankio long evri Memba blong Palemen long positive sapot blong olgeta we I mekem se FATF I karemaot Vanuatu long “Grey List” se since last manis June 2018.

·        Settlement blong ol retirement packages blong ol retired Gavman workers wetem GRT blong impruvum conditions blong wok mo salaries blong ol workman blong Gavman;

·        Openemap access long education long ol pikinini blong Vanuatu i kasem yia 10, mo ol clinic health workers I karem remuneration;

·        Pemaot sam external loans mo sam domestic loans;

·        Krietem wan Development budget lon yia ia.

Mi praod blong talem se yumi ajivim fulap divelopment progress olsem wan kantri, since long indipendens blong yumi long 1980.Yumi stragolmo yumi manej blong divelopem ol Institusens blong yumi, infrastakja, wetem ol social services blong yumi olsem schools, hostpitals, dispensaries, klinik, security mo judicial services mo extendem ol services trough long decentralisation network.

Sam villages mo komunitis oli aksesem water mo electricity we hemi go in line wetem priority blong kavman blong mekem sua se long 2020 yumi konektem 90% blong ol house holds wetem Water mo Light.

Wetem ol bilateral relations we I gat, 108kauntrisoli save moa Vanuatu long world.Vanuatu istap long position blong voisem ol konsens blong yumi olsem wan smol Nesen long world mo hemi iusum olketa international mo regional development framework wetemol konvensens mo akrimen blong addressem ol development challenges mo aspiration blongkantri.

Taem yumi lukluk back, yumi kat everi risons blong selebretem 38th independence anniversary wetem pride mo konfidens se yumi mekem fulap progress blong buldim kantri blong yumi mo servem basic nids blong ol pipol blong yumi. Yumi mas liv wetem means we yumi gat.

Kantri i achivim ol progress ia from we igat gat political commitment, political will, solidarity mo political stability.

5.     Thank you

Political stability I givim trast, confidence mo security long ol investorsmo hemi key blong economic growth. Political stability hemi security blong economic development long Vanuatu.

Mi tekem oportuniti ia blong talem tankio long ol Lida blong ol politikol pati we oli formem Gavman blong mentenem politikol stability.

Mi talem tankio mo congratulatelong ol Members blong Parliamentfrom leadership blong olketa. Hemi shoem new leadership folem decision we pipol I mekem long 2016 general election.

But also, long behalf blong pipol blong Vanuatu mo Kavman mi talem bigfala thank you long:

·        Ol Local Authorities, ol Jifs, Jif leaders, woman mo youth from comitmen mo active participation long social mo economic life blong Vanuatu;

·        Ol development partners from generous support we oli kivim I kam long Vanuatu;

·        Olketa existing investors – existing businesses – existing industries we oli continiue blong biliv strong long Vanuatu, karem risk blong investem money blong provaedem jobs mo mekem ol products we Vanuatu I save proud long em mo compeat wetem long trade,mo I sapotem economic growth blong Vanuatu;

·        Olketa new investorsfrom, despite ol chanlenjis, oli jusum Vanuatu blong investem money blong olketa;

·        Olketa owners blong ol Infant industries mo small medium enterprises long komitment mo perseverance blong yufala blong kam wetem innovative ways blong doim business long Vanuatu;

·        Olketa farmers long ol islands, ol villages, wetem ol mama long market blong provaedem food security long ol pipol blong yumi;

·        Olketa mama’s long ol handicraft blong continue blong promotem ol style blong Vanuatu long ol tourists

·        Olketa residents blong jusum Vanuatu blong liv;

·        Olketa new citizens we oli jusum citizenship blong Vanuatu;

·        Olketa fren kantris we wetem ol diplomatic relations mo visa waiver, hemi fasilitetem easy flow blong tourism ikam long Vanuatu;

Tankio long confidence we yufala ikat long kantri mo long ol authorities blong kantri ia.

5.     Financial mo fiscal situesen

Tede ekonomi hemi grow stronger mo healtty. Yumi luk afta long rekaveri blong TC PAM long ol key sektas olsem tourism, akrikalja, mo infrastrakja we i leftemap ril GDP growth I ko long 4.5% long 2017 (highest wan long histri blong Vanuatu) mo 3.4% long 2018 folem ol estimates.

Wetem strong mo stable ekonomi, ol investors oli gat moa confidenceblong invest mo kantri istap long position blong atraktem moa foreign investors.

Wetem strong mo stable ekonomi, kantri I witnissim plande development long saed blong ol tourism projects mo long saed blong infrastructure development we hemi main factor blong job opportunity.

Wetem strong mo stable ekonomi, Gavman I establishim wan “Development Budget” long yia ia blong addressem ol development priorities blong kantri.

This yia, Gavman I pemaot 1 billion vatu external loan mo ova 1 billion vatu long domestic debt, mo I putum 3 billion vatu blong fundem ol infrastrakja divelopmenmo espesiali blong impruvum olgeta rod mo openem moa access long saed blong ol fida roads blong mekem se olgeta fama oli gat isi akses long ol farms blong olketa mo long transpot blong karem olgeta prodak blong olgeta i go long maket..

Ol indicators I shoem se economi be i grow semak long 2019 mo hemia I justifaem seGavmanbae igat wannara divelopmen badjet long nekis yiamo onwards blong fundem ol divelopmen priorities blong yumi. Hemia iwan solid step blong buildim wan kantri mo I save stap long wan better position blong adressem ol financial obligatons blong hem mo openemap ol social services olsem education kasem yia 13.

Hemi also wan saen blong wan responsible mo stable Gavman.

Ol gudfala citizen blong Vanuatu, wetem wan strong mo stable ekonomi mo from we yumi acceptem se kantri blong yumi hemi vulnerable long ol natural disasters, yumi nid blong invest long ol infrastrakja we oli resilien.

6.     Theme blong yia ia - Bildimap Infrastrakja resiliens blong promotem prodaktiv sekta blongse pipol blong Vanuatu isave gat moa access long services, mo partisipet moa long economic development.

Blong kat wan sustainable development Gavman I nid blong invest moa long ol infrastrakja we oli resiliens.

Toktok ia resiliens hemi minim fasin blong stanap strong long ol hard taem, save preventem damej, save rikava mo gohed long laef nomata long ol bigfala hardtaem we kantri bae i pas tru long hem. 

Vanuatu bae I graduate from Least Developped Country (LDC) long yia 2020, so yumi nid blong sustainem ekonomi blong kantri. Hemi no blong inventem wheel. Experience I shoem long plenty kantri long world se infrastrakja long productive sector (tourism, agriculture mo industry) oli blong growem economy blong better sapotem ol social services olsem education, health, security mo justice.

Infrastrakja resilienshemi gat wan strong link blong sastenem prodaktif sekta tru long isi akses i go long maket.

Infrastrakja resiliens hemi opportunity blong krietem employment.

Infrastrakja resiliens hemi boostem economic development from we hemi openem ol ekonomik opotuniti, hemi inkrisim productivity, hemi impruvum aksesibiliti mo services.

Infrastrakja resiliens hemi preparedness long disasta olsem saeklon, strong wind, hevi ren o etkwek, floading. Istap minim:

·        Olketa fida roads, wharfs mo airports olsem Norsup, Motalava, North Ambrym mo extension blong ol existing airports;

·        olketa skuls or klasrum;

·        olketa helt unit, helt senta, hospital mo laboratory;

·        olketa infrastrakjablong national security mo justice olsem Court Haos;

·        olketa buildings blong Gavman long Capital wetem ol Provinces;

·        olketa buildings mo strakjas blong telecommunications we I includim radio mo television from oli konektem olketa local farma wetem market blong salem ol prodakt blong olketa;

·        olketa systems blong wota or wota supply wetem energy.

 

Infrastrakja resiliens hemi fasilitetem mo promotem muvmen blong ol tourist igo long ol aelan blong yumi

Sam long ol eksampol blong wan strong infrastrakja resiliens we yumi wantem luk long kantri blong yumi, igat:  Korman Buildings Sports Facilities, Lapitasy wof infrastrakja, Port Vila eben rod infrastrakja, Baurefield International Airport, Pekoa International Airport, White Grass International Airport mo rod long Tanna mo Malekula, o sab-marin kebol.

Mo wetem infrastrakja resiliens, yumi nid blong jenisim ol lukluk blong yumi.Hemia I minim se yumi mas stadi gud long wea ples yumi build mo yumi mas impruvum ol disaen mo folem ol building kod, blong mekemse ol construction oli save stanap strong agensem ol stressmo disasta mo respectem environment.

Infrastrakja Resiliens hemi bisnis blong yumi evriwan.

Bifo mi closem toktok blong mi wandem talem se Gavman hemi aware long olketa different challenjes mo nids blong olketa business komunitis mo infant industries mo bae I kontinue blong addressem olketa. Hemi polisi blong Gavman blong growem private sekta, infant industries, mo SMEs olsem strongdrivers blong ekonomi mo job kriesen.

Finensiol inclusion policy mo strategy we mi launchem long yia ia hemi aim blong impruvum akses mo usage blong finensiol seves I go long olketa infant industries mo SMEs long Vanuatu.

“Vanuatu Government has the duties and responsibilities to create a conducive environment for business investment and an enabling and secure environment for enriching the livelihood for allcitizen”.

« Le gouvernement de Vanuatu a le devoir et la responsabilité de créer un environnement favorable aux investissements des entreprises et un environnement propice et sûr pour l’enrichissement de la vie pour tous les citoyens ».

Vanuatu i mas stap olsem wan better ples blong liv, blong wok mo sherem equal benefits

7.     Konklusion

Blong konkludem toktok blong mi, mi wandem rimaenem yumi se ol selebrations blong Independence hemi ol unique moment blong unitem yumi everywan.Hemi wan special occasion blong yumi selebret tugeta olsem wan pipol, wan Nesen, olsem wan family we I sherem ol same values blong kastom mo Christianity.

 

Yumi mas stanap tugeta mo unite oltaem blo buildem wan better Vanuatu long fiuja generations, ol pikinini blong tumoro.

 

Mi wandem rimaenem yumi evriwan se yumi wan United mo Free Kantri founded long ol fundamental prinsipols, Traditional Melanesians Values, Faith long God moChristian Prinsipols mo olsem wei moto blong yumi italem: “Long God Yumi Standap”.

 

 Despite ol Jalensis, yumi mas gat confidence mo biliv strongse “Wetem God nothing is impossible” “Avec Dieu rien est impossible”

 

Yumi mas strenghtenem determination mo unity blo yumi so that together yumi ajivim peace, progress mo prosperity blong Nesen blong yumi.

 

Fellow Citizens, “Feel proud of yourself… Soyez fier de vous-même »

 

Happy 38thanniversary selebresen / Bonne fete du 38ème anniversaire

 

Hae God hemi blessem yumi everiwan!

Que Dieu nous bénisse tous!

 

LONG LIVE REPUBLIC BLONG VANUATU MO PIPOL BLO VANUATU

 

VIVE LA REPUBLIQUE ET LE PEUPLE DE VANUATU

 

Thank you / Je vous remercie / Tankio Tumas

 

 

 

Designed by PG IT Consulting - webdesign.vu