'Congratulation Malapoa Collège" PM Charlot Salwai i talem tede afternoon taem hemi givim toktok blong makem handing ova seremoni blong ol niu building blong Malapoa Collège. Hemi talem thankiu long gavman blong China mo kampani blong China blong mekem se ol niu building i save kirap. Hemi talem tankiu long ol chief blong Ifira from graon blong olgeta. MR Salwai i askem ol teacher mo ol pikinini blong blong lanem moa valiu blong kastom respect blong respectem mo lukautem ol niu building ia. ' Mi no wandem luk ol raiting long ol niu building ia' Mr Salwai i apil long ol teacher mo ol student. Hemi askem ol student blong oli tekem opportuniti we oli kat naoia blong ol skul gud be no gud oli sori afta. Hemi talem se ol papa mo mama oli putum biliv blong olgeta long ol student blong Malapoa blong oli save skul gud. Minista blong éducation Jean-Pierre Nirua i talem se gavman blong tede hemi stap wok hard naoia blong mekem sua se Vanuatu ikat wan national university blong hem. Mr Nirua i talem se university bae hemi bilingual university. Hemi talem se gavman blong tede hemi givim fri akses blong education stat long kindy igo kasem yia 10. Mr Nirua i talem se fri akses bae hemi go kasem yia 13. Minista i apil long skul kansel, management mo ol pikinini blong lukautem gud ol niu building ia. Niu ambassada blong China blong Vanuatu i kongratuletem Malapoa Collège blong oli save kat niu building. Hemi talem Malapoa Collège i well known long region blong Pacific. Hemi talem se tede relation between China mo Vanuatu hemi stap gru strong moa . Hemi talem se education i foundation blong developmen blong Vanuatu.

Designed by PG IT Consulting - webdesign.vu