PM Charlot Salwai i i handem ova tede wan fishing boit igo long Gumbalehan Fisherman Association long Melsisi Central Pentecost tede afternoon . Darekta blong fishery département Calo Pakoa i handem ova ki igo long PM mo PM i handem ova igo long presiden blong association, Christophe Virelala. Mr Salwai i askem ol fisherman blong lukautem gud bout ia mo developem bisnis blong fish. Hemi talem se pipol blong Pentecost oli nidim blong kakae moa fish than tin fish long sto. Darekta blong fishery i askem association blong oli rikodem gud fish we oli kasem blong beis long hem blong association i save benefit moa long asistens. Hemi talem se gavman bae hemi buildim wan propa fishing beis long Melsisi we bae hemi wan senta blong fishing beis. Fishing bout gavman nomo i buildim long bout yard long Luganville long Santo. Gumbalehan Association i karem tugeta ol fishaman stat long Batnapni igo kasem Waterfall.

Designed by PG IT Consulting - webdesign.vu