Praem minista Charlot Salwai i lego Port Vila long tede morning blong tekem part long miting APEC long Papua New Guinea. PNG nao, hemi the only memba blong APEC long narasaed blong Australia mo New Zealand. Gavman blong PNG nao i invaetem Mr Salwai. Invitesen ia, gavman blong PNG i bin mekem long taem blong las MSG miting we PNG i hostem. PNG i invaetem tu ol nara kantri blong region blong go long APEC miting ia. Taem ia bae ikat presiden  blong China mo ol nara APEC lida bae oli stap. Mr Salwai bae hemi saenem wetem presiden blong China fianancial agreement wetem EXIM Bank blong fainensem

 ol important development project olsem seken phase 2 blong kolta rod blong Tanna mo hemia stat long Lakatoro igo kasem Unmet long Not West Malekula.
Mr Salwai i talem long ol pipol blong Not West Malekula long las visit blong hem long yia ia se Not West, hemi kat potential long saed blong prodaksen olsem kava, kakao mo koprah mo oli mas kat kolta rod. Hemi long eria blong Not West we i save kat haedro-pawa mo praem i talem tankiu long ol chief mo lan ona blong oli save givim graon blong olgeta blong projek i save gohet long hem.
 
 
 
 
 
 
 
 
 

Designed by PG IT Consulting - webdesign.vu