Afta long ol kleim blong opposition se hemi 30 MP oli stap long saed blong hem long yestede, tede morning hemi kam klia long floor blong palaman se hemi kat sapot blong 19 MP agensem 33 blong gavman saed. Opposition, hemi bin iusum evri fasin blong kleimem sapot ia olsem sosol mo professional media be tede floor blong palaman, hemi talem se hemi kat sapot blong 19 MP nomo. Wetem namba ia, bae opposition inomo save requestem wan extra-ordinary session mo pasem wan motion of no confidence.Lida blong opposition, Ishmael Kalsakau, hemi iven isum international media olsem Radio New Zealand International blong kleimen se hemi 22 MP blong opposition mo 8 blong gavman saed igo jonem hem.

Tede morning taem we palaman i mit 33 MP istap long gavman saed be 19 MP blong opposition, oli boicott antap long kleim blong olgeta se oli komandem majoriti blong ol memba blong palaman.
Folem boicott blong 19 MP blong opposition ino kat QUORUM olsem standing oda o rul blong palaman i askem blong i mas kat quorum long fes day blong session mekem spika blong palaman, hemi adjenem sessiion igo long mande. Sapos opposition ino kat be palaman bae hemi still gohet wetem 33 we hemi kat tede morning.

Designed by PG IT Consulting - webdesign.vu