Niu minista blong pablik utiliti, Christophe Emelee i talem se hemi hapi long progres blong wok long international airport blong Bauerfield.
Mr Emelee i mekem toktok ia afta sot visit we hemi mekem igo long Bauerfield long las fraede, afta we hemi kam niu minista blong pablik utiliti.
Hemi talem se wok we oli mekem hemi veri professional. Mr Emelee i talem se CCECC, hemi mekem wok be ol enginia blong New Zealand, oli tsekem evri surface blong mekem hemi strong semak.

Designed by PG IT Consulting - webdesign.vu