Australia i save kam niu maket blong Kava blong Vanuatu
 
Bigfala kantri klosap long Vanuatu, Australia, hemi save niu ples blong maket blong kava blong Vanuatu hemia folem tok tok blong niu praem minista blong Australia, Scott Morrison long wik ia taem hemi kam long Port Vila.
Long taem blong bilateral toktok blong Mr Morrison mo Praem Minista Charlot Salwai long taem blong wan day visit blong hem long wik ia long Port Vila, hemi soem intres blong Australia blong pem kava blong Vanuatu.
Export blong kava igo long Autralia, hemi bin wan long taem isiu blong gavman blong Vanuatu wetem gavman blong Australia. Ol past gavman, oli bin banem kava blong Vanuatu blong hemi ino intarem Australia be Praem Minista Morrison, hemi soem intres blong hem taem we tufala praem minista tufala i tokbaut isiu blong trade bitwin tufala kantri. Mr Morrison ino soem intres blong hem nomo long kava be hemi dring 2 sel kava we oli kranem long ston wetem Mr Salwai long ofis blong praem minista.   

Designed by PG IT Consulting - webdesign.vu