Tedei Kavman blong Vanuatu mo kansel blong ol minista oli stap officialu annaoncem appruvel, sapot mo commitment blong Kavman long 2030 wan aviesen mo turism vision we air Vanuatu operesen limited, Vanuatu Turism Ofis mo Airport Vanuatu Limited i bin developem long 2018  tugeta. Wan vision ia or vision we oli sherem ia emi kivim wan bigfala plan we bai i developem a visen mo turisem sekta tugeta, from ekonomic benefit we bai i ko long ekonomy blong Vanuatu mo fuija we i satp kam.

olsem praem Minista, mi bi rikwestem blong trifala ofis ia i mas wok tugeta blong developem wan plan olsem ia Mi bin challejem olgeta blong lukluk bak long ol investmen we kavman i stap mekem long eria blong aviasen mo turism mo blong luk hao nao yumi save growem ekonomy thru  long wok blong olgeta. 2030 vision blong aviasen mo turism ia emi wan gudfala plan we i kavremap olgeta stampa tinktink ia:

·         Air vanuatu route development mo growth long seat capacity long olgeta intansaonal routes base long investment blong ol new aircraft mo wokfos plan blong sapotem growth blong air Vanuatu.

·         Impruvmen long domestic route blong Air Vanuatu through long new aircraft mo improvmen long service i ko long ol outer islands blong crietem wan reliable transpot network system blong ol kastoma blong Air Vanuatu.

·         Development blong sustainable turism growth targets we i identifyem ol stret risoses we destinesen i nidim blong save mekem turism marketing mo promosen blong ajivim wan target blong 300 000 visitor arrival long 2030 olsem we i stap long Vanuatu turism maket development plan.

·         Development blong ol sapot program we bai i sapotem turism indastri blong i save growem mo seremaotem ol visitim ol aelans blong Vanuatu.

·         Development blong ol stret airport mo aviasen infrastrakja mo olgeta gudfala manejmen practis we yumi nidim blong impruvum domestic mo intanasonal airport araon long kantri

Gol blong Kavman we i appruvum wan 2030 aviesen mo turism vision ia, emi blong mekem se Vanuatu i kam aviesen hub blong saot pasifik we i save drivem target blong 300 000 holiday visitas long 2030 mo sem taim wan nara inkris blong 150 000 bisnis mo transit visita's we baii Air Vanuatu i save groewem olsem strategy blong hem.

Wetem olgeta targets ia bai emi soem se bai i kat growth long visita nambas mo sem taim bai emi crietem ol gudfala bisnis links we i sapotem guds mo serves sekta blong Vanuatu.

Tudei kavman i stap long ples ia mo i ripresentem ol nara sekta blong kavman blong soem appruval, sapot mo commitment we mifala i mekem long plan ia.

Olsem we mi talem finis, kavman i biliv se emia in line wetem ol pillars blong nasonal sustenebol develomen  plan blong pipol blong Vanuatu. Kavman wetem sapot blong olgeta development patna mo bisnis sekta emi soem strong sapot blong yumi everiwan blong save implementem ol nara project olsem blong Vanuatu aviesen mo infrastrakja projet we i lukluk long rod mo wharf development we i contribute tu long ekonomik developmen blong kantri.

Yumi wantem lukim wan Turism sekta we i save contribute lo ol gudfala values iko bak long ekonomic base blong kantri tru long Turism mo aviesen sekta mo wetem appruvel ia mi glad blong announcem se plan ia ei official launch tedei Monday 28 Januari 2019 olsem decision we kansel blong ol minister ia mekem long 21 Disemba, 2018.

Designed by PG IT Consulting - webdesign.vu