Praem Minista blong Vanuatu Hon Charlot Salwai Tabimasmas i stap naoia long Niu Kaledonia blong saenem wan historikol Trade agrimen between tufala kaontri.

Long 3 days ofisiol visit ia, PM wetem Minista blong Akrikalja Hon Hosea Nevu oli bin gat sam visits yestede (Mande 11 Feb 2019) i go long Housing developer Joint Venture (JV) kampani La SECAL we hemi stap developem Housing project blong Dumbea surbub we investment blong hem i equivalent long construction blong tufala nickel factories blong Goro (south) mo Koniambo long Kone (north).

Bigfala delegation blong Praem Minista i bin visitim tu proposed office space blong niufala Consulate blong Vanuatu long Noumea we Dumbea i prepea blong hostem long 3rd floor blong Santal building, long front blong niufala hospital complex Le Medipole.

PM i bin ofisietem wan kastom seremoni wetem ol kastom land owners mo Mayor blong Dumbea Hon George Naturel blong askeptem offer blong office space ia.

After long seremoni ia, delegation i visitim Housing project blong La Secal long Dumbea Sur Mer.

Delegesen blong Vanuatu PM mo Akrikalja Minista i bin go tu long wan lunch meeting long IFPA, instutute blong Professional Training long Nouville where PM i gat toktok wetem Vaes President blong Gavman blong Niu Kaledonia.

Institute ia hemi olsem VIT long Port Vila, mo hemi givim janis long ol yangfala we oli drop aot long skul or oli no even gat janis nomo blong gat akses long wan edukesen blong gat wan sekem janis mo faenem work tru long Technical & Professional Institute ia. Skul ia i deliverem training long ol area olsem hospitality, auto mechanics mo ol professions blong solwora.

Long same Mande aftenun ia, PM Salwai i visitim University blong Niu Kaledonia long Nouville, especially Research laboratories bifo hemi joenem President blong Gavman blong NC Hon Philippe Germain long wan ofisiol press conference.

Designed by PG IT Consulting - webdesign.vu