Vanuatu Gavman i no glad long wan ACTION we France i bin mekem long ol las few wik we i pass afta we wan War Ship blong France i ko long Mathew mo Hunter.

Nem blong War Ship ia hemi "Le VENDÉMIAIRE".

Minista Regenvanu i talem se ol Ofisa blong War Ship ia oli go shore, mo oli bin polishim or klinim bak bakeken wan "plaque" we Franis Gavman i bin putum long tufala aelan.

VBTC News i ripotem se Minista Regenvanu i talem se oli bin paintem back flag blong FRANCE i ko long side blong wan stone long aelan ia.

Minista blong Foren Affair i talem se ol Army ia o li bin mekem hemia mo oli bin kamaot long Media blong talem se ACTION ia oli mekem blong re-enfosem SOVEREINTY blong Gavman blong France ova long tufala aelan ia.

Minista blong Foren Affair mo External Trade, Ralph REGENVANU i samonem long tede (Friday 1rst of MARCH 2019) CHARGÉ d'AFFAIRE blong French Embassy long Port Vila mo talemaot se Vanuatu GAVMAN i no glad nating long action ia, from hemi wan action we i no stap long wan spirit blong negocation we Vanuatu mo France i stap gat naoia blong determinem Maritime Baoundry blong tugeta kaontri.

Minista Regenvanu hemi informem CHARGE d'AFFAIRE blong French Embassy long Port Vila se Prime Minista blong Vanuatu bae hemi raet i ko long President blong France, Emmanuel MACRON blong voisem Formal Complaint blong Vanuatu Gavman.

PC: LNC

Designed by PG IT Consulting - webdesign.vu