President blong palaman blong Franis Polynesia, Gaston Tong Sang hemi mitim Praem Minista Charlot Salwai long yesterday aftenun.  Mr Tong Sang i talem  tankiu long support we Vanuatu tru long Mr Salwai blong mekem se Franis Polynesia wetem New Caledonia  we tufala i franis territri yet tufala  save kam memba blong Forum. Hemi talem se Vanuatu i wan smol kantri be Franis Polynesia, hemi kat sam lesen blong lanem long hem.
Mr Salwai i talem tankiu long long Mr Tong Sang blong hemi save tekem taem blong mitim hem. Hemi talem se visit blong hem ikam long Vanuatu hemi important blong fracophone famili blong Vanuatu. Mr Salwai i talem se push blong Vanuatu blong Franis Polynesia mo New Caledonia ikam full memba blong Forum, hemi from we nomata we tufala i still franis territri yet be oli serem sem problem olsem ol independent kantri long region. Mr Salwai i talem level blong solwota we istap afektem ol kantri blong region tede, hemi afektem tu New Caledonia mo Franis Polynesia mo i nidim blong oli kam wan blong adresem ol isiu olsem.

Designed by PG IT Consulting - webdesign.vu