Fes ordinary session blong palaman blong 2019 tede morning. Ol MP mo memba blong diplomatic corps oli wait long president blong Republic blong Vanuatu for guard inspection mo opening blong ordinary session ia. Gavman ikat 36 MP long palaman tede morning agensem 9 blong opposition. Sam MP ino stap long morning be session bae hemi gohet from ikat quorum long fes day blong session ia. Taem we Head of State Obed Moses Tallis i kasem palaman. Head of State Obed Moses Tallis long guard of honor ceremony tede morning long fes ordinary session blong 2019. President blong Republic of Vanuatu Obed Moses Tallis i presem wok we gavman i mekem blong trakem mo fesemaut ol fake ID long Facebook. Hemi talemaut tede morning long speech blong hem blong openem fes ordinary session blong palaman se fasin blong hait bihaen long ID blong tok no gud long nara man o woman ino fasin blong pipol blong Vanuatu.

Designed by PG IT Consulting - webdesign.vu