Praem minista Charlot Salwai i talemaut long minista blong communication mo aviation blong Solomons Islands, Agovaka Peter tede afternoon taem tufala i mit seperetli long taem noaia we namba 19 miting blong ol regulators raon long world istap gohet long Port Vila se Vanuatu mo Solomon Islands tufala brata long Melanesia. Mr Salwai i mekem toktok folem request save blong Vanuatu long saed EGAVMAN NETWORK mo olsem Vanuatu istap dil wetem ol disasta long blong hem mo afta long hem. Mr Agovaka i talem se Solomon Islands i kasem semak disaster olsem Vanuatu. Mr Salwai i talem se Vanuatu i redi blong hem Solomon Islands long wanem we hemi askem from tufala i brata. Hemi talem se Vanuatu ikat ol teknikol pipol blong helpem Solomons Islands long wanem we hemi askem. Mr Salwai i talem se long tufala sekta we minista blong Solomons Islands i askem ikat ol sakses mo ol failure be hemi welcome gavman blong Solomons Islands blong kam fainem olsem wanem nao Vanuatu i dill wetem ol disasta olsem saeklon mo volkeno i bosta we hemi gavman i bin muvumaut ova 11 000 pipol blong Ambae. Mr Salwai i talem se wan long failure we Vanuatu i lanem long taem blong ol disasta, hemi fasin blong stap givimaut ol imported kakae olsem tin fish. Hemi talem se hemia hemi kosem nara disasta olsem sik blong suka. Tufala lida i bin tatsem tu eria blong sabmarin cable. Tufala i agri blong wok tugeta blong developem technology ia. PM Salwai i talem tankiu long gavman blong Solomons Islands blong save sendem ol nes blong hem ikam long Vanuatu.

Designed by PG IT Consulting - webdesign.vu