Praem minista Charlot Salwai i mitim darekta general blong mobile satellite organisation, IMSO, long yesterday afternoon, Ahmid Moin.
Mr Moin i talem long Mr Salwai se kampani blong olgeta ikat wan pilot project long Vanuatu. Hemi talem se pilot project hemi blong setemap ol equipment long saed blong safety blong ol ship long Vanuatu. PM Salwai i talem se Vanuatu i wan archipelago we hemi dipen plande long sea transport. Mr Salwai i talem se plande pipol i usum ship blong travel.. Hemi talem se pipol blong Vanuatu i dipen plande long fish olsem mo ikat ol case we ol fisamen i lusum laef just from ino kat laef jacket. Mr Salwai i talem se Vanuatu i nidim development blong ICT blong safety blong ol lokol boat mo pipol we oli travel long hem. PM Salwai i talem se Vanuatu i nidim ICT long saed blong maritime security. Hemi talem se ol fisaman i nidim ol necessary equipment blong security blong ol fisherman olsem life jacket. Taem we tufala i toktok long issue blong Vanuatu Shipping Registry, Mr Salwai i talem se shipping Registry hemi exist bifo RSE skim be tede ikat ova 7 000 pipol blong Vanuatu igo long RSE be ino long ol bigfala ship we oli flaem flag blong Vanuatu. Mr Salwai i talem se naoia ofis blong Vanuatu Shipping Registry hemi stap yet long New York be tede wetem ol development blong technology, ofis ia inomo nid blong stap long New York. Hemi talem se ofis i mas kam bak long Vanuatu blong ikat propa management blong ol ship we oli flaem flag blong Vanuatu. Mr Salwai i talem se ikat Vanuatu Maritime College we gavman i setemap blong ol pikinini i save karem training blong go wok long ol bigfala ship ia be tede ino kat.

Designed by PG IT Consulting - webdesign.vu