PM Charlot Salwai i talem tankiu long ol pipol blong Lalbung long kontribusen blong olgeta long development blong Pentecost mo Vanuatu. Mr Salwai i talem se ol pipol blong Lalbung oli ol hardwoking pipol. Oli mekem karen long Ist, West mo bush blong aelan blong Pentecost. Hemi wan long olgeta village we hemi saplaem kava mo kakae long maket tede. Hemi askem olgeta blong oli wok moa mo gavman tu i mekem part blong hem. Mr Salwai i talem se long las wik nomo gavman i agri blong fri access blong education i kasem yia 13 long nekis yia. Hemi askem ol pikinini blong oli skul gud.

Designed by PG IT Consulting - webdesign.vu