PM Charlot Salwai i donetem 650 000 vatu igo long chairman blong 39th indipendence anniversary committee blong sentrol Pentecost long Melsisi. Long football tim ikat 18 tim we oli register blong stat compit long tumoro. PM Salwai i askem ol yangfala we bae oli tekem pat long competition ia blong oli mas gohet blong mekem sport afta long selebresen ia. Hemi se hemi wandem luk sam long olgeta oli riprisentem Vanuatu long ol regional mo international gem. Mr Salwai i talem se pipol blong Pentecost specially ol yang pipol mas gohet long sport blong daonem sik olsem suga. PM Salwai i talem se plande afta long tonamen, ol yang pipol igo hangem sus mo.werem uniform igo long karen. Hemi wishim ol kompetita sakses mo wishim olgeta happy 39th lafet blong Independence anniversary.

 

Designed by PG IT Consulting - webdesign.vu