PM Charlot Salwai i officially oppenem 39th Independence anniversary blong sentrol Pentecost long Melsisi tede afternoon. Mr Salwai i talem se 39 yia afta we yumi kasem Independence, yumi mas reflek long hem. Hemi talem tankiu long ol olfala we oli bin stragol blong yumi save kasem Independence blong yumi long 1980. Mr Salwai i talem se 39 yia afta long indipendence blong kantri hemi wan important yia from we nekis yia hemi 40 yia . Hemi talem se long nekis yia bae Vanuatu i aut long LDC mo graduate olsem wan developed kantri. Hemi wishim ol pipol blong Pentecost wan happy selebresen. Long yia ia, main selebresen istap long Melsisi be ol smosmol wan i tekem ples tu long ol nara eria. Tede afternoon tu Mr Salwai i donetem 100 000 vatu igo long wan wan eria kansel blong Pentecost.

Designed by PG IT Consulting - webdesign.vu