Praem minista Charlot fes praem minista blong ol kantri we Timor Leste i invaetem olgeta long selebresen blong makem 20 yia anniversary blong Popular CONSULTATION blong hemi visitim president blong Timor Leste tede morning. Mr Salwai i talem tankiu long president long ol assistance we gavman mo pipol blong Timor Leste i givim long pipol blong Vanuatu olsem long taem blong saeklon. Praem minista Salwai i talem se Vanuatu i maintenem strong relationship wetem gavman mo pipol blong Timor Leste mo ambassador blong Timor Leste long Canbera long Australia. Mr Salwai i talem se long next yia bae Vanuatu i selebretem 40 yia blong Independence blong hem mo bae hemi official invitation ikam long hem mo gavman blong Timor Leste blong oli save kam joenem pipol blong Vanuatu blong selebretem day ia. Mr Salwai i talem se long yesterday chief negotiator maritime border delimitation, Xanana Gusmao i invaetem Vanuatu blong tekem part long miting blong maritime boda we bae hemi stap long Timor Leste . Mr Salwai i talem long president blong Timor Leste se Vanuatu bae hemi tekem part long miting ia from we hemi talem se blong wan kantri hemi fully independent hemi mas save wea ples nao hemi limit blong boda blong hem. Vanuatu hemi stap yet blong fixim boda blong hem wetem franis territory blong New caledonia mo Timor Leste hemi stap yet blong fixim blong hem wetem Indonesia mo Australia. Mr Salwai i wishim president wetem family blong hem, gavman mo pipol blong Timor Leste wan successful selebresen mo prosperous future. President blong Timor Leste i talem long Mr Salwai se assistance we Timor Leste i givim long Vanuatu, hemi smol komperem long strong vois we Vanuatu i bin stap mekem long international level blong pipol blong Timor Leste oli save kam wan kantri tede. Hemi talem tankiu long sapot blong Vanuatu long ol pipol blong Timor Leste. Hemi talem tankiu long Mr Salwai mo talem se Timor Leste i glad long lidaship blong hem blong hemi gohet blong toktok strong long international level about emancipation blong ol kantri we oli no kasem Independence blong olgeta yet. Tede morning Mr Salwai Mr Salwai wetem ol nara lida blong ol nara kantri oli attendem palaman session blong makem 20 anniversary blong POPULAR CONSULTATION. Parliament blong Timor Leste tede hemi talem bagegen tankiu long gavman mo pipol blong Vanuatu long hard taem we pipol blong Timor Leste i bin fesem we hemi lid igo blong United Nations Peace keepers i save kam long Timor Leste. Parliament blong Timor Leste i talem se sapot blong Vanuatu long struggle from Independence blong pipol blong Timor Leste hemi bin go kasem level blong media we oli tokbaut long pipol blong Vanuatu . Tede 30 August pipol blong Timor Leste oli selebretem 20 anniversary blong POPULAR CONSULTATION.

Designed by PG IT Consulting - webdesign.vu