Nasonal Wik blong Akrikalja (NWA) we Tafea Provins i hostem stat long 30 Okis kasem 3 Septemba 2021.
Fes wan ibin stap long Santo long 16 kasem 22 Julae 2018. Tafea Provins hemi sapos blong hostem Iven ya long las yia 2020 be from TC Harold i hitim nogud ol aelan long Not mekem se yumi putum ikam long yia ya.
Tafea Provins, Ministri blong Akrikalja, Laefstok, Forestri, Fiseris & Baiosekiuriti mo Ministri blong Treds, Indastri, Komes mo Ni-Vanuatu Bisnis oli joen tuketa blong hostem Iven ya. Mein tinktink blong Iven ya hemi blong tekem ol famas mo fisaman blong yumi raon long Vanuatu blong selebretem ajivmen mo kontribiusen blong olgeta long ekonomi blong yumi long Vanuatu. Hemi taem tu blong olgeta oli sho-em ol prodaks blong olgeta mo oli kat janis blong lanem ol niu teknic blong fam mo fis.